Apple OS 27

Apple kompaniyasi o‘zining 27-indeksli operatsion tizimlarini taqdim etdi. Asosiy yangiliklar qatorida Apple Intelligence va butunlay yangilangan Siri AI ovozli yordamchisi o‘rin olgan. Endilikda tizim foydalanuvchining shaxsiy konteksti bilan ishlay oladi, ekrandagi ma’lumotlarni tahlil qiladi va ilovalar ichida murakkab buyruqlarni bajara oladi. Shuningdek, ota-ona nazorati funksiyalari yangilanib, ilovalarni ishga tushirish tezligi 30% ga oshirildi. Yangi Liquid Glass interfeysida esa elementlarning shaffofligini qo‘lda sozlash imkoniyati paydo bo‘ldi. Yangilanishlar shu yilning kuzida foydalanuvchilarga taqdim etiladi.