AQSH ma'muriyati mamlakatda bo‘lib turgan chet elliklar uchun grin-karta rasmiylashtirish tartibini o‘zgartirdi
AQSH Fuqarolik va immigratsiya xizmati (USCIS) doimiy yashash ruxsatnomasi (grin-karta) olish tartibini tartibga soluvchi yangi qoidalarni taqdim etdi. Idoraning 2026-yil 22-maydagi rasmiy bayonotiga ko‘ra, AQSHda vaqtinchalik vizalar — jumladan talabalik, sayyohlik va ishchi vizalari bilan bo‘lib turgan xorijiy fuqarolar endi hujjat topshirish va qarorni kutish uchun mamlakat hududini tark etishlari lozim.
USCIS vakili Zak Kaler tushuntirganidek, ushbu chora qisqa muddatli tashrif maqsadlari bilan doimiy immigratsiya maqsadlarini aniq ajratishga qaratilgan. Idorada vaqtinchalik yashash AQSH doimiy rezidenti maqomini olish uchun avtomat ravishda birinchi bosqich sifatida qaralmasligi kerakligini ta'kidlashdi. Yangi qoidalar istisnolarni nazarda tutadi, biroq ular asosan favqulodda yoki fors-major holatlardagina qo‘llaniladi.
Ekspertlarning fikriga ko‘ra, ushbu yangilik da'vogarlardan o‘z sayohatlari va huquqiy qadamlarini yanada puxta rejalashtirishni talap qiladi. Qisqa muddatli istiqbolda bu AQSHning xorijdagi konsullik xizmatlari ish hajmini oshirishi mumkin, chunki ma'muriy jarayonlarning salmoqli qismi endi ariza beruvchilarning kelib chiqqan mamlakatlariga ko‘chiriladi.
