Boku dunyoning eng yaxshi talaba shaharlari TOP-100 taligiga kirdi
Dunyoning yetakchi reyting tashkilotlaridan biri bo‘lgan «Quacquarelli Symonds» (QS) tomonidan 2026-yil uchun «Best Student Cities» («Eng yaxshi talaba shaharlari») reytingi e’lon qilindi.
Ozarbayjon Fan va oliy ta’lim bo‘yicha davlat agentligi ma’lumotiga ko‘ra, jami 150 shaharni o‘z ichiga olgan ushbu nufuzli reytingda Boku o‘tgan yilga nisbatan 22 pog‘ona yuqorilab, 95-o‘rinni egalladi. Ozarbayjon poytaxti bu o‘rinni Aberdin (Buyuk Britaniya), Guanchjov (Xitoy) va Yoxannesburg (Janubiy Afrika Respublikasi) kabi shaharlar bilan bo‘lishdi.
Natijalarga ko‘ra, Boku Janubiy Kavkaz mintaqasida eng yuqori natijani ko‘rsatib, mintaqaning yetakchi talaba shahri deb e’lon qilindi. Shuning yordamida shahar Markaziy Osiyoning qator yirik shaharlaridan o‘zib ketishga muvaffaq bo‘ldi: reytingda Ostona 119-o‘rinni, Bishkek 137-o‘rinni, Toshkent esa 146-o‘rinni egalladi.
«QS Best Student Cities» reytingi shaharlarni oliy ta’lim olish imkoniyatlari va talabalar uchun qulay yashash sharoitlari bo‘yicha kompleks asosda baholaydi. Ro‘yxat tuzilayotganda universitetlarning xalqaro reytinglardagi ko‘rsatkichlari, bitiruvchilarning ish bilan ta’minlanish darajasi, ta’limning qulayligi, yashash xarajatlari, xorijiy talabalar soni, shuningdek, talabalarning bevosita fikrlari asosiy mezonlar sifatida ko‘rib chiqiladi.
