Fransiya parlamenti 15 yoshga to‘lmaganlarga ijtimoiy tarmoqlardan foydalanishni taqqiqlovchi qonunni qabul qildi
Fransiya parlamenti 15 yoshga to‘lmagan shaxslarning ijtimoiy tarmoqlarga kirishini taqiqlovchi qonun loyihasini yakuniy tarzda qabul qildi, deya xabar beradi BFMTV telekanali. Qonun loyihasini 279 nafar deputat qo‘llab-quvvatladi, 81 nafari esa qarshi chiqdi.
Shu tariqa, Fransiya Yevropada 15 yoshdan kichik bo‘lgan shaxslar uchun ijtimoiy tarmoqlarni taqiqlagan ilk davlatga aylandi.
Mamlakat hukumati taqiqni ikki bosqichda amalga oshirishni rejalashtirmoqda. 1-sentabrdan boshlab yangi ochiladigan akkauntlar yoshni tekshiruvdan o‘tkazishi shart bo‘ladi. Mavjud akkauntlar uchun esa yangi qoidalar 2027-yil 1-yanvardan boshlab amal qiladi.
