Hayratlanarli kolleksiya: Hindistonlik fuqaro 31 ta davlatdan 858 ta qog‘oz stakan yig‘ib, jahon rekordini o‘rnatdi

Hindistonlik Sunil Jozef dunyoning 31 ta davlatidan 858 ta qog‘oz stakan yig‘ib, Ginnesning rekordlar kitobiga kirdi. Bu inson kolleksiya yig‘ish xobbisine hali bolalikda boshlagan edi: u marka, tanga va gugurt qutilarining yuzidagi suratlarni yig‘gan. Keyinchalik esa yanada g‘ayrioddiy narsalarga — samolyot chiptalari, choy paketchalari va qog‘oz qahva qutichalariga o‘tgan.

Jozef bundan avval ham telefon kartalari kolleksiyasi (2014-yilda 6000 ga yaqin nusxa) tufayli Ginnes rekordchisiga aylangan edi. Hozirgi vaqtda uning bu xobbisini turli davlatlardan qog‘oz stakanlar olib kelib beradigan do‘stlari va qarindoshlari faol qo‘llab-quvvatlamoqda.

UPI nashrining yozishicha, Jozef bu bilan ham to‘xtab qolishni rejalashtirmayotganini va allaqachon yangi rekord — eng katta to‘y taklifnomalari kolleksiyasi uchun rasmiy ariza topshirganini tan oldi.