Lebap viloyatining Xojamboz tumanidagi «Ülkämiziň tebigaty» dehqon xo‘jaligi qishloq xo‘jaligi ekinlarini o‘stirishda va mo‘l hosil olishda barqaror muvaffaqiyatlarga erishmoqda. 2022-yilda asos solingan va Azamat Hajiyev rahbarlik qilayotgan bu xo‘jalikda davlatimiz tomonidan berilgan yerlardan har tomonlama samarali foydalanilmoqda.

Xo‘jalikning olib borayotgan ishlari juda samarali bo‘lib, joriy yilda ekin maydonlarining hajmi yanada kengaytirildi. Xususan, 71 gektar yerda tarvuzning turli turlari, jumladan, mahalliy tuproq-iqlim sharoitiga yaxshi moslashgan mashhur «Jayhun» navi ommaviy ravishda ekilib, yuqori sifatli mahsulot olindi.

Bundan tashqari, dehqon xo‘jaligida boy tajriba to‘planib, poliz va sabzavot ekinlarining boshqa turlari ham yetishtirilmoqda. Hozirgi vaqtda 10 gektar maydonda piyozning, 4 gektarda pomidorning va 1 gektarda kartoshkaning mo‘l hosili yetishtirilib, aholimizga to‘yimli va toza mahsulotlarni taqdim etish ishlari muvaffaqiyatli amalga oshirilmokda.