Kelajak olimlari: Tabiiy va aniq fanlar bo‘yicha tanlovda katta muvaffaqiyat
Seyitnazar Seydi nomidagi Turkmaniston davlat pedagogika instituti tomonidan tabiiy va aniq fanlar bo‘yicha o‘tkazilgan tanlovda Lebap viloyati o‘quvchilari katta muvaffaqiyat qozondilar. Mamlakatimizning barcha burchaklaridan 1500 dan ortiq o‘quvchi ishtirok etgan ushbu tanlovda viloyatimizning iste’dodli yoshlari bir qancha fanlar bo‘yicha birinchi o‘rinlarni egallashga muvaffaq bo‘ldilar.
Tanlov natijalariga ko‘ra, quyidagi o‘quvchilar eng yuqori natijalarni ko‘rsatdilar:
- Matematika: Kerim Berdiyev (Turkmanobod sh., 41-ixtisoslashtirilgan o‘rta maktab);
- Informatika: Oraz Begenjov (Turkmanobod sh., 39-ixtisoslashtirilgan o‘rta maktab);
- Kimyo: Altyn Nurmatjanowa va Gunesh Ramanowa (Farap tumani, 1-o‘rta maktab);
- Biologiya: Nurjahan Gafurjanowa (Farap tumani, 21-o‘rta maktab);
- Geografiya: Jeyran Rahmedowa (Xojambaz tumani, 10-o‘rta maktab) va Aygul Toylyyewa (Garabekevul tumani, 1-o‘rta maktab);
- Ekologiya: Shatlyk Ylhamow (Ko‘ytendog‘ tumani, 19-o‘rta maktab), Malika Hamrayewa (Turkmanobod sh., 30-o‘rta maktab) va Shohrat Yangibayev (Turkmanobod sh., 28-ixtisoslashtirilgan o‘rta maktab).
Tanlovda o‘rta maktablarning 10-12-sinf o‘quvchilari tabiiy va aniq fanlar bo‘yicha bilim va ko‘nikmalarini sinovdan o‘tkazdilar. Tadbirdan ko‘zlangan asosiy maqsad yosh avlodning ilm-fanga bo‘lgan qiziqishini oshirish va kelajak mutaxassislarini aniqlashdan iboratdir.
Danev tumanidagi 11-o‘rta maktab o‘qituvchisi Nezire Kazakovaning ta’kidlashicha, ushbu yutuqlar viloyatimiz ta’lim tizimida erishilayotgan natijalar va yoshlarning ilm-fanga bo‘lgan ishtiyoqining yorqin dalilidir.
