Pentagon 30 yoshdan oshgan AQSh harbiylari uchun majburiy testosteron tekshiruvini joriy qildi
AQSh Mudofaa vaziri Pit Xegset 30 yoshga to‘lgan harbiy xizmatchilar uchun yangi qoida joriy qildi: endilikda ular har yili testosteron darajasini aniqlash uchun tahlil topshirishlari shart. Xegsetning qayd etishicha, ushbu chora askarlarning umumiy salomatligini nazorat qilish va ularning uzoq muddatli jismoniy holatini saqlashga xizmat qiladi.
30 yoshdan kichik harbiylar esa o‘z xohishlariga ko‘ra tekshiruvdan o‘tishlari mumkin. Agar organizmda gormon tanqisligi aniqlansa, askarlarga ixtiyoriy ravishda o‘rinbosar terapiya taklif qilinadi. Pentagon rahbari ushbu tashabbus sun’iy kuchaytirish emas, balki organizmning «tabiiy imkoniyatlarini optimallashtirish»ga qaratilganligini ta’kidladi. Ushbu qaror FDA’ning gormonoterapiya xavfsizligi bo‘yicha yangilangan tavsiyalaridan so‘ng qabul qilindi.
