Rossiya Xitoy fuqarolari uchun vizasiz kirish muddatini 2027-yil oxirigacha uzaytirdi
Rossiya Prezidenti Vladimir Putin Xitoy fuqarolari uchun mamlakatga vizasiz kirish tartibini 2027-yilning 31-dekabrigacha uzaytirish haqidagi farmonni imzoladi. Bu qadam ikki davlat o‘rtasidagi do‘stona munosabatlar, iqtisodiy hamkorlik va madaniy aloqalarni yanada mustahkamlashga turtki beradi.
Amaldagi qoidalarga muvofiq, oddiy pasportli Xitoy fuqarolari qarindoshlarini ziyorat qilish, xizmat safarlari, sayyohlik hamda ilmiy, madaniy, iqtisodiy yoki sport tadbirlarida qatnashish maqsadida Rossiyaga vizasiz kirishlari mumkin. Shuningdek, mamlakatdan tranziy o‘tish uchun viza talab qilinmaydi. Biroq har bir safarning muddati 30 kundan oshmasligi lozim. Bundan oldin, may oyida Xitoy tomoni ham rus fuqarolari uchun vizasiz kirish muddatini 2027-yilning 31-dekabrigacha uzaytirganini e’lon qilgan edi.
Ikki mamlakat o‘rtasidagi vizasiz tizim 2000-yildan beri ishlab kelmoqda va muntazam ravishda uzaytirib kelinmoqda. Bu esa tomonlarning o‘zaro manfaatli munosabatlaridagi barqarorlik va qiziqishni yaqqol ko‘rsatib turibdi.
«CCTV+» agentligining xabar berishicha, vizasiz kirish muddatining uzaytirilishi o‘zaro sayyohlar sonining ortishiga, ishbilarmonlik va madaniy aloqalarning rivojlanishiga ulkan hissa qo‘shadi.
