Turkmaniston elchisi AQSh Kongressi aʼzosi Bill Xeyzenga bilan uchrashdi
Turkmanistonning Amerika Qoʻshma Shtatlaridagi elchisi Esen Aydogdiyev AQSh Kongressi binosida kongressmen Bill Xeyzenga bilan uchrashuv oʻtkazdi.
Muzokaralar davomida tomonlar turkman-amerika hamkorligining hozirgi holati va istiqbollarini, mintaqalararo bogʻliqlik masalalarini, shuningdek, AQSh va Markaziy Osiyo davlatlari oʻrtasidagi muloqotni mustahkamlashda «C5+1» va «B5+1» formatlarining oʻrnini muhokama qildilar.
Uchrashuv ishtirokchilari mintaqaning muhim masalalari hamda bundan buyon ham konstruktiv va oʻzaro manfaatli hamkorlikni rivojlantirish imkoniyatlari haqida ham fikr almashdilar.
Bill Xeyzenga — respublikachi amerikalik siyosatchi boʻlib, u AQSh Kongressi Vakillar palatasida Michigan shtatining 4-saylov okrugi manfaatlarini himoya qiladi. U ushbu lavozimni 2011-yildan buyon egallab kelmoqda. Hozirgi chaqiriqda u Moliyaviy xizmatlar qoʻmitasi raisining oʻrinbosari, shuningdek, Tashqi ishlar qoʻmitasining Janubiy va Markaziy Osiyo boʻyicha quyi qoʻmitasi raisi hisoblanadi. Oxirgi qayd etilgan lavozim uni mintaqa boʻyicha Amerika siyosatini nazorat qiluvchi asosiy kongressmenlardan biriga aylantiradi. Bu esa uning Turkmaniston elchisi bilan oʻtkazgan uchrashuvining muhimligini belgilab beradi.
