Turkmaniston Davlat bojxona xizmati bilan Ozarbayjon Respublikasi Davlat bojxona qoʻmitasi oʻrtasidagi xalqaro yuk tashishlar sohasida yangi raqamli tizim muvaffaqiyatli sinovdan oʻtkazildi. Kaspiy dengizi orqali amalga oshirilayotgan tranzit avtotransport vositalari haqida elektron-TIR (eTIR) tizimi orqali maʼlumot almashish yoʻlga qoʻyildi. Xalqaro avtomobil transporti ittifoqi (IRU) koʻmagida dastlabki sinov tashishlari muvaffaqiyatli amalga oshirildi. Ushbu tadbir doirasida Ozarbayjondan joʻnatilib, Turkmaniston hududi orqali Oʻzbekistonga borayotgan, shuningdek, Turkmanistondan joʻnatilib, Ozarbayjon orqali Turkiya Respublikasiga borayotgan avtomobil yuk tashishlari boʻyicha maʼlumot almashinuvi tekshirildi. Ushbu tashabbus Yevropani Markaziy Osiyo bilan bogʻlaydigan muhim transport yoʻlagi yoqasida joylashgan ikki mamlakatimiz bojxona idoralari oʻrtasida tranzit tashishlar boʻyicha raqamli maʼlumot almashinuvi tashkil etilgan ilk yirik loyihalardan biri hisoblanadi. Bojxona maʼlumotlarini real vaqt rejimida elektron shaklda boshqarish. Qogʻoz hujjatlar hajmi va tavakkalchiliklarning sezilarli darajada kamayishi. Bojxona amaliyotlarini tezroq bajarish va xarajatlarni qisqartirish. Savdo va bojxona amaliyotlarining soddalashuvi. Buning oʻzi mamlakatimiz hududidan oʻtuvchi xalqaro tranzit transport yoʻlaklarining jozibadorligini yanada oshirib, «Bojxona ishini raqamlashtirish orqali mintaqaviy oʻzaro bogʻliqlikni rivojlantirish va «Aqlli» bojxonani yaratish» loyihasining muvaffaqiyatli amalga oshirilayotganini koʻrsatadi.