2026-yil 5–10-noyabr kunlari Turkmanobod shahrida shaxmat bo‘yicha Turkmaniston Gran-prisining Lebap viloyati bosqichi bo‘lib o‘tadi. Bu haqda Lebap.biz sayti xabar bermoqda.

Musobaqa «Bagtyýarlyk» bolalar sog‘lomlashtirish va dam olish markazida tashkil etiladi. Bellashuv shaxmat ishqibozlariga o‘z mahoratlarini namoyish etish, tajriba orttirish va boshqa sportchilar bilan kuch sinashish imkonini beradi.

Musobaqa yakunida yuqori o‘rinlarni egallagan shaxmatchilarga Turkmaniston Shaxmat federatsiyasining medallari, faxriy yorliqlari va sovg‘alari topshiriladi. Shuningdek, musobaqaning umumiy pul mukofoti jamg‘armasi 10 ming manatni tashkil etadi.

Musobaqada ishtirok etishni istaganlar ro‘yxatdan o‘tish tartibi va qo‘shimcha ma’lumotlar bilan ushbu havola orqali tanishishlari mumkin.