Uzbekistan Airways parvozlar jadvalidagi o'zgarishlar

Uzbekistan Airways milliy aviakompaniyasi Rossiya yo'nalishlari bo'yicha parvozlar jadvalida o'zgarishlar ro'y berganini ma'lum qildi. Mamlakatlar o'rtasidagi qatnovlar saqlanib qolgan bo'lsa-da, Moskva, Sankt-Peterburg, Qozon, Yekaterinburg, Novosibirsk va Xabarovsk kabi shaharlarga parvozlar chastotasi vaqtincha kamaytiriladi. Aviakompaniya ushbu qarorni aviayoqilg'i taqchilligi va uning narxi oshishi bilan izohladi. Bekor qilingan reys yo'lovchilariga chiptalarni jarimalarsiz bepul qayta bron qilish yoki to'liq qaytarib olish imkoniyati beriladi.