Fransiya va AQShning qo‘shma korxonasi CFM International (Safran va GE Aerospace) istiqbolli "ochiq ventilyatorli" (Open Fan) aviadvigatelining sinovlarida yangi bosqichga qadam qo‘ydi. Yevropa Ittifoqi tomonidan moliyalashtiriladigan TAKE OFF loyihasi doirasida amalga oshirilayotgan ushbu texnologiya aviatsiya tarixida tub burilish yasashga qodir.

"Ochiq ventilyator" konsepsiyasining odatiy motorlardan asosiy farqi — ventilyator atrofida qobiqning (gondolaning) mavjud emasligidir. Ushbu tamoyil:

  • Yoqilg‘i tejamkorligi: Yoqilg‘i sarfini va zararli chiqindilarni 20% ga kamaytiradi.
  • Ikki konturlilik darajasi: Odatiy motorlarda bu ko‘rsatkich 10:1 bo‘lgan bo‘lsa, yangi loyihada 60:1 darajasiga yetish ko‘zda tutilgan. Bu esa dvigatelning kamroq yoqilg‘i sarflab, ko‘proq quvvat ishlab chiqarishiga imkon beradi.

Hozirgi vaqtda dvigatelning asosiy qismlari ishlab chiqildi va 400 soatdan ortiq aero-dinamik sinovlar o‘tkazildi. Loyihaning kelajakdagi rejalari quyidagicha:

  • 2027-yil: To‘liq hajmli yerusti sinovlari.
  • 2028-yil: Integratsiyalashgan texnologik tekshiruvlar.
  • 2029-yil: Airbus A380 samolyoti bazasida dastlabki parvoz sinovlari.

Agar barcha rejalar muvaffaqiyatli amalga oshsa, ushbu zamonaviy dvigatellar 2035-yilga borib tijoriy maqsadli samolyotlarda keng qo‘llanila boshlaydi.