Parlamentlararo muloqot: Ashxobodda gender tengligini ilgari surishning qonunchilik asoslari muhokama qilinmoqda

Bugun Ashxobod shahrida Turkmaniston Mejlisi hamda Birlashgan Millatlar Tashkilotining Aholishunoslik jamg‘armasi (UNFPA) hamkorligida tashkil etilgan “Gender tengligini ilgari surish: gender tengligi va gender zo‘ravonligiga qarshi kurashishda qonunchilik asoslarini mustahkamlash bo‘yicha Parlamentlararo muloqot” mavzusidagi konferensiya o‘z ishini boshladi.

Konferensiyada parlamentariylar gender tengligini ilgari surish sohasida davlat siyosatini amalga oshirish, gender zo‘ravonligining oldini olish va unga qarshi kurashish, xalqaro huquqning umume’tirof etilgan normalarini milliy qonunchilikda aks ettirish hamda gender xususiyatlarini hisobga oluvchi inklyuziv qonunlar, ijtimoiy himoya va mas’uliyat tizimlarini ishlab chiqish hamda joriy etish borasida fikr almashadilar.