Yangi Samsung Galaxy S26+ smartfonining dizayni va texnik xususiyatlari oshkor qilindi

Samsung kompaniyasi Galaxy S26+ modelidan voz kechmaydi va uning bilan birga yupqaroq versiya — S26 Edge modelini ham taqdim etadi. Shu tariqa kompaniya o‘z flagman telefonlarining an’anaviy tuzilishini saqlab qoladi. Bu haqda mashhur insayder OnLeaks va Android Headlines portali xabar berdi.

Ma’lumotlarga ko‘ra, Galaxy S26+ quyidagi xususiyatlarga ega bo‘ladi:

• 6,7 dyuymli AMOLED 2X displey,

• o‘lchamlari — 158,4×75,7×7,35 mm,

• tekis metall korpus va biroz yumaloq burchaklar,

• uchta vertikal joylashgan kamera moduli.

Uskuna ikki turda chiqadi:

• biri Qualcomm Snapdragon 8 Elite Gen 5 protsessori bilan,

• ikkinchisi Samsung Exynos 2600 bilan (mintaqaga qarab farq qiladi).

Qo‘shimcha texnik xususiyatlar:

• 12 yoki 16 GB tezkor xotira,

• Android 16 operatsion tizimi va One UI 8.5 interfeysi,

• 4900 mA·soat batareya,

• 45 Vt tez simli zaryad,

• yangi magnetik Qi2 simsiz zaryad tizimi.

Boshqa imkoniyatlar:

• IP68 suv va changdan himoya darajasi,

• ekran ostida ultratovushli barmoq izi skaneri,

• Wi-Fi 7 va Bluetooth 6.0.

Samsung Galaxy S26 seriyasining taqdimoti 2026-yil fevral oyida o‘tkazilishi kutilmoqda.