Yanvar–oktabr: Turkmaniston va Xitoy o‘rtasidagi savdo hajmi 8,3 milliard dollardan oshdi
Turkmaniston va Xitoy o‘rtasidagi savdo hajmi joriy yilning yanvar–oktabr oylarida 8 milliard 343 million 699 ming dollarni tashkil etdi, deb xabar beradi Xitoy Bosh bojxona boshqarmasi.
Faqat 2024-yil oktabr oyida ikki davlat o‘rtasidagi o‘zaro savdo hajmi 708 million 537 ming dollar bo‘ldi.
Savdo hajmining katta qismi Turkmaniston eksportiga to‘g‘ri keldi. Yanvar–oktabr oylarida Turkmaniston Xitoyga 7 milliard 059 million 077 ming dollarlik mahsulot eksport qildi. Shu davrda Xitoydan taxminan 1 milliard 284 million 622 ming dollarlik tovarlar import qilingan.
Turkmanistonning Xitoyga asosiy eksport mahsuloti — quvur orqali yetkazib beriladigan tabiiy gazdir.
