Türkmenabat şäheriniň futbolçylary Lebap welaýatynyň çempiony boldy

Lebap welaýatynda ýaş futbolçylaryň arasynda geçirilen welaýat birinjiligi uly gyzyklanma döretdi. Ýaryşa welaýatyň dürli künjeklerinden jemi 8 topar gatnaşyp, olar bije çekişlik arkaly iki topara böldüler. «A» toparda Türkmenabat 2014, Saýat, Kerki we Darganata toparlary, «B» toparda bolsa Türkmenabat 2015, Farap, Dänew hem-de Hojambaz toparlary bäsleşdiler.

Ýarym final duşuşyklarynda «Türkmenabat 2014» topary Farabyň futbolçylaryny 2:1 hasabynda, «Türkmenabat 2015» bolsa Saýat toparyny 4:0 hasabynda utmagy başardy. Şeýlelikde, finalda Türkmenabat şäheriniň iki güýçli topary duşuşdy. Final oýny örän täsirli geçip, «Türkmenabat 2014» topary öz garşydaşyny 3:0 hasabynda ýeňip, Lebap welaýatynyň çempiony diýen hormatly ady eýeledi.