Angliyaning «Manchester Siti» futbol klubi oʻzbekistonlik himoyachisi Abduqodir Husanov bilan shartnoma muddatini uzaytirdi. Bu haqda klub matbuot xizmati xabar bermoqda. Yangi shartnomaning muddati 2031-yilgacha moʻljallangan. 22 yoshli Husanov 2025-yilning yanvaridan beri Angliyaning «Manchester Siti» futbol klubi safida toʻp surib kelmoqda. U shu davr mobaynida jamoa bilan Angliya kubogi hamda Angliya liga kubogini qoʻlga kiritdi. Oʻzbekistonlik futbolchi 47 ta uchrashuvda maydonga tushib, 1 ta gol urdi. Abduqodir Husanov Oʻzbekiston milliy terma jamoasining ham futbolchisi boʻlib, u oʻz yurtining terma jamoasida 30 ta oʻyinda, jumladan, Oʻzbekiston terma jamoasi bilan yaqinda yakunlangan futbol boʻyicha jahon chempionatida ham toʻp surdi. Husanov «Manchester Siti» klubidagi sobiq SSSR davlatlaridan chiqqan 7-futbolchidir. Bu ingliz klubida rossiyalik futbolchi Andrey Kanchelskis, gruziyalik futbolchilar Kaxaber Sxadadze, Murtaz Sheliya, Georgiy Kinkladze, Mixail Kavelashvili, shuningdek, ukrainalik futbolchi Aleksandr Zinchenko oʻynagan.