Hindistonning Turkmanistondagi elchixonasi hind tili o‘qituvchisi lavozimi uchun tanlov e’lon qildi. Bu haqda diplomatik vakolatxonaning rasmiy e’lonida ma’lum qilindi.

Mazkur bo‘sh ish o‘rniga Turkmaniston fuqarolari ariza topshirishlari mumkin. Tanlovda g‘olib bo‘lgan nomzod bilan bir yil muddatga mehnat shartnomasi tuzish rejalashtirilgan.

Nomzodlardan hind tili va adabiyotini chuqur bilish, turkman va rus tillarida erkin muloqot qila olish talab etiladi. Shuningdek, ular MS Word, Excel va PowerPoint kabi kompyuter dasturlaridan foydalanishni bilishlari kerak. Hind tilini o‘qitish bo‘yicha kamida ikki yillik ish tajribasiga ega nomzodlarga ustunlik beriladi.

Tanlovda ishtirok etishni istaganlar ariza, tarjimayi hol (CV), pasport nusxasi hamda ma’lumotini tasdiqlovchi hujjatlarni taqdim etishlari lozim. Hujjatlarni Ashxobod shahri, Yunus Emre ko‘chasi, 1-uy, Mir 2/1 manzilida joylashgan Xalqaro biznes markazi ma’muriyati rahbari nomiga, 80-sonli pochta qutisiga (744017) yuborish mumkin. Shuningdek, hujjatlarni hoc.ashgabat@mea.gov.in elektron pochta manziliga jo‘natish imkoniyati mavjud.

Arizalar 2026-yil 2-noyabrgacha qabul qilinadi.