Kontakt linzalarni 3D-printerda bosib chiqarish imkoniyati paydo bo‘ldi: atigi 20 daqiqa vaqt ketadi

Vaterloo universiteti (Kanada) tadqiqotchilari 3D-printer yordamida kontakt linzalarini tayyorlashning innovatsion texnologiyasini taqdim etdilar. Ushbu uslub har bir bemorning ko‘z shox pardasi anatomiyasiga to‘liq moslashtirilgan optik vositalarni atigi 20 daqiqada yaratishga imkon beradi. Tadqiqot natijalari "Materials & Design" jurnalida e’lon qilindi.

Asosiy yutuq sifatida ko‘z uchun xavfsiz, kislorodni yaxshi o‘tkazadigan va 3D-printerda bosishga yaroqli bo‘lgan maxsus gidrofil silikon yaratildi. 3D-printerda chop etish jarayonida hosil bo‘ladigan mikro-notekisliklar muammosini hal qilish uchun olimlar sirtni optik xususiyatlarni buzmasdan silliqlaydigan o‘ta yupqa qoplama texnologiyasini qo‘lladilar. Hozirgi vaqtda ishlanma laboratoriya sinovlaridan o‘tkazilmoqda va mualliflar uni real bemorlarda sinashga tayyorgarlik ko‘rishmoqda.