Lebap viloyatidagi keramika bezak mahsulotlari ishlab chiqaruvchi korxonaning afzalliklari

Berkaror döwletiň Täze eýýamynyň Galkynyşy (Yangi Uyg‘onish Davri) davrida, Qahramon Arkadag tomonidan boshlangan islohotlar muvaffaqiyatli amalga oshirilmoqda, kichik va o‘rta tadbirkorlikni rivojlantirish yo‘lida katta ishlar olib borilmoqda. Bu jarayonni 2020-yilda ishga tushirilgan “Döwletli-Döwran” hususiy jamiyatining keramika bezak mahsulotlari ishlab chiqaruvchi zavodi misolida yaqqol ko‘rish mumkin.

“Zavodimiz dunyoning rivojlangan davlatlarining zamonaviy uskunalariga asoslanadi, ishlab chiqarish avtomatlashtirilgan holda boshqariladi va ilg‘or texnologiyalar joriy etilgan. Ayni paytda Saýat tumanidagi Sakar, Halaç tumanidagi Halaç va Köýtendag tumanidagi Gubadag konlaridan olinadigan loy asosiy xom ashyo hisoblanadi. Bizning korxonamiz Türkmenabat–Kerki–Amyderýa temir yo‘li va Türkmenabat–Kerki avtomobil yo‘li bo‘yida joylashgani tufayli xom ashyoni yetkazib berish va tayyor mahsulotlarni iste’molchilarga yetkazishda katta qulayliklar yaratilgan”, — deydi korxonaning bosh muhandisi Agamyrat Annayew.

Zavodda ishlab chiqarish jarayoni xom ashyoni tayyorlash, kesish-shakllantirish, quritish, bo‘yash, pishirish va qadoqlash bo‘limlaridan iborat. Bu yerda kuniga o‘rtacha 525 tonna, yiliga esa 192 ming tonna xom ashyo qayta ishlanadi. Korxonaning yillik ishlab chiqarish quvvati 80 million dona shartli keramika mahsulotlarini ishlab chiqarishga mo‘ljallangan. Hozirda bu yerda 10 turdagi bezakli g‘ishtlar, yirik termoblok g‘ishtlar, polga yotqiziladigan sirlanmagan plitkalar, shuningdek devorlar uchun sirlangan bezakli plitkalar ishlab chiqarilmoqda.

Zamonaviy ishlab chiqarishda energiyani tejaydigan ilg‘or texnologiyalar, innovatsion yechimlar qo‘llaniladi. Yuklash, tashish va qadoqlash ishlari Yaponiyadan keltirilgan robotlar yordamida amalga oshiriladi. Mahsulot sifati zamonaviy laboratoriya sharoitida doimiy nazorat ostida bo‘ladi. Xom ashyolarning jismoniy va kimyoviy xossalari, mahsulotlarning zichligi, mustahkamligi va namlikka chidamliligi tekshiriladi. Natijada qurilish ishlari uchun mo‘ljallangan sifatli, mustahkam, sovuqqa va issiqqa chidamli mahsulotlar olinadi. Hozirgi vaqtda bu yerda ishlab chiqarilayotgan keramika bezak mahsulotlari nafaqat ichki ehtiyojni qondirib, balki O‘zbekiston Respublikasiga ham eksport qilinmoqda.

“Bizning korxonamizda 190 ga yaqin ishchi-mutaxassis mehnat qilmoqda. Bu esa, tuman aholisi, ayniqsa yoshlari uchun yangi ish o‘rinlari yaratildi deganidir. Ishimizning oldinga siljishida besh yildan ortiq tajribaga ega mutaxassislarimizning hissasi katta. Ulardan ishlab chiqarish bo‘yicha direktor Hesen Poladow, texnolog yordamchisi Myrat Jumanazarow, tayyor mahsulot ombori boshlig‘i Nurmyrat Guwanjow, korxona menejeri va Türkmenistanyň Mejlis deputati Baýram Ilow, operatorlar Azat Döwletow, Orazmyrat Abdullayew, Merdan Şirmämmedow va Toýly Allanazarowlarni alohida ta’kidlab o‘tmoqchimiz. Birlikda va fidokorona mehnat tufayli, Mustaqilligimizning 34 yilligi katta mehnat sovg‘alari bilan kutib olindi. Biz tadbirkorlarga zamonaviy ishlab chiqarish yo‘lini ochib bergan Qahramon Arkadag va Arkadagly Gahryman Serdarimizga chin dildan minnatdorchilik bildiramiz”, — deydi Agamyrat Annaýew o‘z minnatdorchiligini bildirib.

Biz ham ushbu zamonaviy ishlab chiqarish korxonasiga yanada ko‘proq mehnat yutuqlarini va ishlarida ulkan muvaffaqiyatlar tilaymiz.