Poytaxtning yangi qiyofasi: Ashgabat taraqqiyotiga milliardlab manat sarmoya yo‘naltiriladi
“Turkmanistonni 2026-yilda ijtimoiy-iqtisodiy rivojlantirish va investitsiya dasturi”ga muvofiq, 2026-yilda Ashgabat shahri bo‘yicha ko‘zda tutilgan jami asosiy sarmoya miqdori 8 milliard 781 million manatni tashkil etadi. Bu haqda seshanba kuni Turkmaniston rasmiy oav xabar berdi.
Ashgabat shahri bo‘yicha rejalashtirilgan asosiy sarmoyalarning 3 milliard 680 million manati yoki 41,9 foizi ishlab chiqarish ob’ektlari qurilishiga va mavjud ob’ektlarni modernizatsiya qilishga yo‘naltiriladi.
Xabarda ta’kidlanishicha, hozirda Ashgabatning me’moriy qiyofasini zamonaviylashtirish, shaharni ko‘kalamzorlashtirish, yangi turar-joy majmualarini qurish va mavjud muhandislik-texnik tizimlarni yangilash bo‘yicha keng ko‘lamli chora-tadbirlar amalga oshirilmoqda.
Joriy yilning sentyabr oyida Ashgabat shahrining “Paraxat — 7” turar-joy majmuasida jami 10 ta zamonaviy 9 qavatli uy: har biri 36 xonadonli 4 ta, har biri 54 xonadonli 4 ta va har biri 72 xonadonli 2 ta turar-joy binosining qurilishi yakunlanadi.
