TDHÇMB haftalik savdolari: 28 million dollardan ortiq xalqaro kelishuv qayd etildi

Turkmaniston Davlat tovar-xom ashyo birjasining o‘tgan haftadagi savdolarida 8 ta kelishuv ro‘yxatga olindi. Xorijiy valyutaga Turkiya, O‘zbekiston, Birlashgan Arab Amirliklari, Hindiston va Qirg‘iziston Respublikasidan kelgan tadbirkorlar «Turkmanhimiya» davlat konsernida ishlab chiqarilgan texnik oltingugurtni sotib oldilar. Shuningdek, turli xildagi to‘qimachilik mahsulotlari, bug‘doy uni hamda qizilmiya ildizining quyultirilgan ekstrakti sotildi. Kelishuvlarning umumiy qiymati 28 million 74 ming AQSH dollaridan oshdi. Mamlakatimiz tadbirkorlari ichki bozor uchun jami 20 million 955 ming manatlik turli xildagi to‘qimachilik mahsulotlarini xarid qildilar.