Turkmaniston Prezidenti Serdar Berdimuhamedov Turkiya Respublikasi Prezidenti Rejep Tayyip Erdo‘g‘anga Izmir shahridagi zavodlardan birida sodir bo‘lgan, insonlar halok bo‘lishi va jarohatlanishiga sabab bo‘lgan portlash munosabati bilan hamdardlik maktubini yo‘lladi.

«Vatan» axborot dasturida xabar berilishicha, davlat rahbari maktubida Turkmaniston xalqi va hukumati nomidan, shuningdek, shaxsan o‘z nomidan halok bo‘lganlarning oila a’zolari va yaqinlariga chuqur hamdardlik bildirdi. Shuningdek, u ushbu og‘ir damlarda marhumlarning yaqinlariga sabr-toqat, portlash oqibatida jarohat olganlarga esa tezroq sog‘ayib ketishlarini tiladi.