«Turkmennebit» davlat konserni tender komissiyasi nomidan Turkmanboshi neftni qayta ishlash zavodlari majmuasida (TNGIZT) yo‘l va qurilish bitumlari ishlab chiqarishni takomillashtirish bo‘yicha takliflarni ishlab chiqish uchun №208-sonli xalqaro ochiq tenderni e'lon qildi.

Tender shartlariga ko‘ra, unda faqat belgilangan talablarga javob beradigan ishlab chiqaruvchilar va/yoki litsenziya egalari ishtirok etishi mumkin. Bundan tashqari, nomzodlar ushbu sohada kamida 10 yillik ish tajribasiga ega bo‘lishlari shart.

Shuningdek, offshor hududlarda ro‘yxatdan o‘tgan yoki bunday hududlarda bank hisob raqamlariga ega kompaniyalarning arizalari qabul qilinmaydi.

Tenderda ishtirok etishni istaganlar tashkilotning to‘liq nomi, huquqiy maqomi, ro‘yxatdan o‘tgan davlati va boshqa zarur ma'lumotlar ko‘rsatilgan yozma ariza topshirishlari lozim. Ariza topshirilgandan so‘ng ishtirokchilar Turkmanistonning davlat ehtiyojlari uchun tovarlar, ishlar va xizmatlarni xarid qilish bo‘yicha tenderlar to‘g‘risidagi qonuni, tender o‘tkazish qoidalarining tegishli qismi, talab etiladigan hujjatlar ro‘yxati, lot spetsifikatsiyasi, texnik talablar hamda shartnomaning asosiy shartlari bilan tanishishlari mumkin.

Bitta lot bo‘yicha tenderda ishtirok etish narxi qo‘shilgan qiymat solig‘i bilan birga 1 725 AQSh dollarini yoki uning turkman manatidagi ekvivalentini tashkil etadi. To‘lovni amalga oshirish uchun bank rekvizitlari yozma ariza qabul qilingandan keyin taqdim etiladi.

Tender takliflari 2026-yil 1-avgustdan 11-sentyabrgacha, ya'ni e'lon «Neýtralnyý Türkmenistan» gazetasida chop etilgan kundan boshlab 30 ish kuni davomida qabul qilinadi. Hujjatlar oxirgi ish kuni mahalliy vaqt bilan soat 12:00 gacha topshirilishi kerak. Belgilangan muddatdan kechikkan takliflar ko‘rib chiqilmaydi.

Tender hujjatlari mastika muhri bilan tasdiqlangan yopiq konvertda taqdim etilishi lozim. Konvert ichida anketa va shartnomaning asosiy shartlarining Word formatidagi elektron nusxasi, shuningdek texnik-iqtisodiy spetsifikatsiyaning Excel formatidagi elektron nusxasi bo‘lishi majburiy hisoblanadi. Hujjatlar faqat tegishli to‘lov tashkilotchining hisob raqamiga tushgandan keyin ko‘rib chiqiladi.

Tender hujjatlari Ashxobod shahri, Archabil shoh ko‘chasi 56-uyda joylashgan «Turkmennebit» davlat konsernining 4-qavatida qabul qilinadi. Qo‘shimcha ma'lumotni 40-39-24 va 40-39-90 telefon raqamlari yoki fer@turkmennebit.gov.tm elektron pochta manzili orqali olish mumkin.