Yangi davrning qudratli davlatining tiklanish davrida Qahramon Arqadag‘imiz rahbarligida qabul qilingan «Sag‘lyk» Davlat dasturi hurmatli Prezidentimizning tinimsiz sa’y-harakatlari bilan muvaffaqiyatli amalga oshirilmoqda va mamlakat sog‘liqni saqlash tizimida ulkan yutuqlarga erishilmoqda. Turkmaniston Xalqaro tibbiyot markazlari boshqarmasi tarkibidagi Xalqaro otorinolaringologiya markazi tubdan zamonaviylashtirildi.

Turkmanistonda quloq, burun va tomoq kasalliklari bo‘yicha ilg‘or texnologiyalar bilan jihozlangan birinchi ixtisoslashtirilgan markaz aholiga yuqori sifatli, aniq va zamonaviy tibbiy xizmat ko‘rsatishga mo‘ljallangan. 101 o‘rinli markaz o‘zida 13 ta ixtisoslashtirilgan bo‘limni birlashtirib, bemorlarga erta tashxis qo‘yishdan tortib, yuqori texnologiyali jarrohlik davolash, intensiv kuzatuv hamda tiklanish muolajalarigacha bo‘lgan kompleks xizmatlarni ko‘rsatish imkonini yaratadi.

Maslahat-tashxis bo‘limi

Bo‘limdagi otorinolaringolog shifokorlar xonalari bir vaqtning o‘zida bolalar va kattalarga xizmat ko‘rsatishga mo‘ljallangan. Bu yerda dunyoning yetakchi ishlab chiqaruvchilarining uskunalari, jumladan «Happersberger Otopront» kompaniyasining 4 ta «ORL Basic Plus» va 1 ta «Smart» turidagi otorinolaringologik qurilmalari o‘rnatilgan.

Ular yuqori aniqlikdagi mikroskoplar, endoskopik tizimlar va boshqa zarur vositalar bilan jihozlangan. Bo‘limda vestibulometriya xonasining mavjudligi alohida ahamiyatga ega. Bu yerda joylashtirilgan «VisualEyes 525» videonistagmografiya tizimi, «Orion Rotary Chair» aylanuvchi maxsus kreslosi, «VisualEyes EyeSeeCam» impuls tekshiruv uskunasi, «Eclipse VEMP» tizimi hamda «Vario dry» stimulyatori bosh aylanishining sabablari va turlarini chuqur o‘rganish imkonini beradi.

Shuningdek, «Physio VR Premium» kompyuterlashtirilgan dinamik posturografiya tizimi yordamida bemorning turli sharoitlardagi muvozanat qobiliyati tahlil qilinib, unga mos individual davolash va tiklanish dasturlari ishlab chiqiladi. Ushbu yuqori texnologiyali vestibulyar tekshiruv majmuasi eng zamonaviy tizimlardan biridir.

Markazda foniyatr shifokori xonasining mavjudligi ovoz va nutq faoliyati bilan bog‘liq kasblarda ishlaydigan qo‘shiqchilar, o‘qituvchilar, boshlovchilar hamda boshqa mutaxassislarda uchraydigan buzilishlarni erta aniqlash va davolash imkonini beradi.

Bu yerda «LingWAVES» uskunalari yordamida ovoz buzilishlariga yuqori aniqlikda baho beriladi. Shuningdek, burun orqali nafas olish holatini aniqlashga mo‘ljallangan «Rhino-Sys» tizimi burun va burun atrofidagi bo‘shliqlar kasalliklarini tekshirish va davolash uchun zamonaviy sharoit yaratadi.

Bundan tashqari, markazda ko‘z kasalliklarini aniqlashga mo‘ljallangan oftalmolog xonalari hamda bolalar kasalliklari bo‘yicha ixtisoslashgan pediatr shifokorlarining zamonaviy xonalari ham faoliyat yuritmoqda.