«Turkish Airlines» Ashgabad – Stambul yo'nalishi bo'yicha parvozlar sonini haftasiga 17 taga yetkazdi

Turkmaniston va Turkiya o'rtasidagi havo qatnovi yanada kengaymoqda. «Turkish Airlines» aviakompaniyasi yo'lovchilar oqimi ortgani sababli Ashgabad – Stambul yo'nalishidagi reyslar jadvalini yangiladi. Endilikda har kuni ikkita muntazam reys, shuningdek, haftaning seshanba, juma va yakshanba kunlari qo'shimcha uchinchi reyslar amalga oshiriladi.

Yangi jadvalga ko'ra, Ashgabadan Stambulga parvozlar har kuni soat 03:15 va 08:10 da, qo'shimcha kunlarda esa soat 21:10 da amalga oshiriladi. Ushbu parvozlar jadvali 2026-yil 25-oktabrgacha amal qiladi. Parvozlar sonining ortishi xalqaro tranzit yo'nalishlaridan foydalanuvchi yo'lovchilar uchun ham katta qulaylik yaratadi.