Yapon matcha choyi allergiya paytidagi aksirish refleksini to‘xtatdi

Yaponiyalik olimlar kukunsimon yashil matcha choyini iste’mol qilish allergik aksirish xurujlarini samarali tarzda bosishini aniqladilar. Tadqiqot natijalariga ko‘ra, ushbu ichimlik allergiyaning asl sababini bartaraf etmaydi va ichak mikroflorasini o‘zgartirmaydi, balki neyromodulyator sifatida ta’sir ko‘rsatadi. Choy tarkibidagi faol moddalar to‘g‘ridan-to‘g‘ri miyaning aksirish refleksiga javob beruvchi nerv markazi faoliyatini bloklaydi.

Yashil choyning pollinoz (o‘simlik changlariga allergiya) alomatlarini yumshatish qobiliyati azaldan ma’lum bo‘lsa-da, matchaning ta’sir qilish mexanizmi noma’lumligicha qolayotgan edi. Oldingi tadqiqotlarning aksariyati choy komponentlari immun javobini qanday bosishi yoki ichak bakteriyalari tarkibini qanday o‘zgartirishiga qaratilgan edi.