Hytaý GPU-ynyň – Lisuan G100-niň synag netijeleri peýda boldy: öndürijilik umytlary ödemedi

2025-nji ýylyň 23-nji iýunynda hytaý kompaniýasy Lisuan Technology, özüniň ilkinji grafiki prosessory Lisuan G100-niň synag netijelerini hödürledi. Bu GPU 6 nm SMIC tehnologiýasy boýunça öndürildi we häzirki wagtda Risk Production (synag önümçilik) tapgyrynda ýerleşýär.

Esasy tehniki aýratynlyklary:

• 32 hasaplaýyş blogy

• 256 MB wideo ýat

• Işleýiş ýygylygy: 300 MHz

Geekbench OpenCL synaglarynda Lisuan G100 takmynan 15 524 bal toplady. Bu bolsa onuň öndürijiliginiň Nvidia GTX 660 Ti ýa-da AMD Radeon R9 370 ýaly köne kartalaryň derejesindedigini görkezýär.

Kompaniýa ozal bu GPU-nyň NVIDIA GeForce RTX 4060 bilen bäsdeş bolup biljekdigini aýdypdy, emma häzirki synag netijeleri bu bellikleriň heniz tassyklanmaýandygyny görkezýär.

Geljekki meýilnamalar:

• GPU häzirki wagtda synag önümçilik tapgyrynda

• Köpçülikleýin önümçilik 2025-nji ýylyň soňlarynda ýa-da 2026-njy ýylyň başynda başlanylmagyna garaşylýar

• Häzirki kynçylyklar: draýwerler we optimizasiýa meseleleri çözülmeli

Şeýlelikde, Lisuan G100 tehniki taýdan möhüm ädim bolsa-da, halkara derejesinde bäsleşmek üçin oňa ep-esli döwrebaplaşdyryş gerek.