Magnus Karlsen Gazagystanly küştçi barada şikaýat etdi: Grenke Chess ýaryşyndaky "Smartfon" wakasy
Germaniýada geçirilýän "Grenke Chess" küşt festiwalynda dünýä çempiony Magnus Karlsen we gazagystanly 18 ýaşly küştçi Alua Nurmanyň arasyndaky duşuşyk garaşylmadyk waka bilen ýatda galdy.
Oýun başlamazyndan ozal, Gazagystanyň zenan grossmeýsteri Alua Nurman özüniň iň uly arzuwyny amala aşyryp, Magnus Karlsende surata düşmegi haýyş etdi. Karlsen muňa garşy bolman, ýylgyryp surata düşdi. Emma bu ýakymly pursatdan bary-ýogy birnäçe minut soňra, ýagdaý düýpgöter üýtgedi.
Esasy pursatlar:
- Şikaýat: Karlsen surata düşeninden soňra haýal etmän eminlere (sudýalara) ýüz tutdy we garşydaşynda smartfon enjamynyň bardygyny habar berdi.
- Düzgünnama: Küşt ýaryşlarynyň halkara düzgünlerine görä, oýunçylaryň ýanynda islendik elektron enjamynyň bolmagy berk gadagandyr. Şikaýatdan soň eminler Nurmanyň telefonyny elinden aldylar.
- Oýnuň netijesi: Dartgynly ýagdaýa garamazdan oýun dowam etdi we Magnus Karlseniň ýeňşi bilen tamamlandy.
Alua Nurmanyñ reaksiýasy: Bolup geçen waka we telefonynyň elinden alynmagyna garamazdan, Alua Nurman öz Instagram sahypasynda şol suraty paýlaşyp: "Arzuwym amala aşdy! Hakykatdan hem ýakymly oýun boldy. Ähliňize mähirli goldawyňyz üçin köp sag bolsun aýdýaryn!" diýip ýazgy galdyrdy.
Maglumat üçin: Alua Nurman 18 ýaşynda bolup, ol zenanlaryň arasynda grossmeýster derejesiniň eýesidir. Ol 2025-nji ýylda BAE-de geçirilen Aziýa çempionatynda blis boýunça altyn medalyň eýesi bolupdy.
Çeşme: Amul Info redaksiýasy
