Ýewropa ýurtlarynyň birnäçe­si dünýä nebit bazaryndaky ýagdaýlar bilen baglylykda uly girdeji gazanýan nebit kompaniýalaryna ýörite salgyt salmak mümkinçiligini ara alyp maslahatlaşmagy teklip etdi.

AFP agentliginiň habar bermegine görä, bu başlangyç bilen Germaniýa, Italiýa, Awstriýa, Polşa, Portugaliýa we Ispaniýa çykyş etdi.

Bu ýurtlaryň maliýe ministrleri häzirki wagtda Ýewropa Bileleşigine başlyklyk edýän Irlandiýanyň maliýe ministrine degişli hat iberdiler. Hatda nebit kompaniýalarynyň aşa uly girdejilerine ýörite salgyt salmak meselesiniň ÝB-niň maliýe ministrleriniň şu aý Dublinde geçiriljek duşuşygynyň gün tertibine girizilmegi teklip edilýär.

Teklipiň awtorlary dünýä nebit bazaryndaky üýtgeşmeleriň iri energetika kompaniýalarynyň maliýe görkezijilerine edýän täsirini nazara alyp, bu mesele boýunça Ýewropa derejesinde umumy çemeleşmäniň ara alnyp maslahatlaşylmagyny maksat edinýärler.