Atrof-muhitni muhofaza qilishda yangi qadam: Turkmanistonda 2030-yilgacha bo‘lgan Milliy o‘rmon dasturi tasdiqlandi
Berkarar davlatning yangi davri Uyg‘onishi davrida mamlakatimizda ekologik barqarorlikni ta’minlash va atrof-muhitni muhofaza qilish bo‘yicha davlat siyosatining huquqiy asoslarini yanada mustahkamlash maqsadida tegishli Qaror imzolandi. Turkmaniston Prezidenti tomonidan imzolangan yangi hujjatga muvofiq, «Turkmanistonning 2026 — 2030-yillar uchun Milliy o‘rmon dasturi» hamda uni amalga oshirish bo‘yicha bajarilishi lozim bo‘lgan chora-tadbirlar rejasi tasdiqlandi.
Ushbu dastur iqlim o‘zgarishining salbiy ta’sirlarini yumshatish borasidagi ishlarning asosiy yo‘nalishlarini belgilashga, tabiiy ekotizimlar va o‘rmon xo‘jaligining barqarorligini oshirishga qaratilgandir. Shuningdek, yangi hujjat mamlakatimizda avvaldan amal qilib kelayotgan «Iqlim o‘zgarishi bo‘yicha Turkmaniston Milliy strategiyasi»ni muvaffaqiyatli hayotga tatbiq etish chora-tadbirlarini belgilangan reja asosida muvofiqlashtirishga xizmat qiladi.
Milliy o‘rmon dasturining qabul qilinishi mamlakatimiz o‘rmon zonalarini kengaytirish, ekologik madaniyatni rivojlantirish va kelajak avlodlar uchun sog‘lom atrof-muhitni shakllantirish yo‘lida davlat darajasida qilinayotgan sa’y-harakatlarning navbatdagi yaqqol isbotidir.
