Joriy yilning 2-noyabr, dushanba kuni Eron Islom Respublikasi tashqi ishlar vaziri Abbos Aroqchiy boshchiligidagi diplomatik, iqtisodiy va parlament rasmiylaridan iborat delegatsiya Turkmaniston poytaxti Ashxobod shahriga keldi. Mehmonni Turkmaniston Vazirlar Mahkamasi Raisining o‘rinbosari va tashqi ishlar vaziri Rashid Meredov va boshqa rasmiylar kutib oldi.

Tashrif doirasida ikki mamlakat tashqi ishlar vazirlari siyosiy, iqtisodiy hamkorlikni kengaytirish hamda mintaqaviy masalalarni muhokama qilishdi. IRNA agentligi xabariga ko‘ra, vazirlarning uchrashuvidan so‘ng Eron va Turkmaniston delegatsiyalarining qo‘shma yig‘ilishi bo‘lib o‘tdi va unga Abbos Aroqchiy hamda Rashid Meredov raislik qildi. Davlat OAVlarining ta'kidlashicha, mazkur diplomatik sa’y-harakatlar Tehron va Ashxobod o‘rtasidagi munosabatlarni yangi bosqichga olib chiqishga qaratilgan.