Fanlar kuni munosabati bilan olimlarga doktorlik va nomzodlik diplomlari topshirildi
Mamlakatimizda keng nishonlanadigan Fanlar kuni munosabati bilan Turkmaniston Fanlar akademiyasida tantanali tadbir bo‘lib o‘tdi. Unda ilmiy darajalarni olgan olimlarga diplom topshirish marosimi bo‘lib o‘tdi.
Tadbir davomida Turkmaniston Oliy attestatsiya komiteti prezidiumining qarori o‘qib eshittirildi. Ushbu hujjatga muvofiq, fanning turli yo‘nalishlari bo‘yicha o‘z ishlarini himoya qilgan mamlakatimizning 31 nafar olimiga ilmiy darajalar berildi. Ularning 6 nafari fan doktori, 25 nafari esa fan nomzodi ilmiy darajasiga munosib ko‘rildi.
Shuningdek, xorijiy davlatlarda ilmiy ishlarini muvaffaqiyatli himoya qilgan turkman olimlarining diplomlari tan olindi. Ular bo‘yicha 5 ta fan doktori va 6 ta fan nomzodi haqidagi hujjatlar tegishli tartibda tasdiqlandi.
Tadbirda so‘zga chiqqan olimlar fan tizimiga ko‘rsatayotgan ulkan g‘amxo‘rligi va yaratib berayotgan sharoitlari uchun Qahramon Arkadagimizga hamda Arkadagli Qahramon Serdarimizga cheksiz minnatdorchiliklarini bildirdilar. Ular o‘z navbatida, mamlakatimiz fan-ta’lim tizimini bundan buyon ham rivojlantirish, zamonaviy texnologiyalarni joriy etish va yosh mutaxassislarni tarbiyalash yo‘lida bilim va tajribalarini ayamaydiganliklariga ishontirdilar.
