Muqaddas tuproqlarda duo va niyatlar: Haj farzini bajo keltirayotgan turkmanistonliklar Qurbonlik sadaqasini berdilar

Muqaddas Qurbon hayiti nishonlanayotgan kunlarda islom dunyosining eng chuqur ruhiy va tabarruk qadamjolarini ziyorat qilayotgan minglab turkmanistonlik hamyurtlarimiz o‘z Haj farzlarini katta ixlos va imon bilan ado etmoqdalar. Shu munosabat bilan, Saudiya Arabistoni Podshohligida, muqaddas Makka va Madina shaharlarida ziyoratda bo‘lib turgan vatandoshlarimiz bayram kunlarida tabarruk tuproqda qurbonlik sadaqasini (ehsonini) berdilar. Bu haqda «Watan» axborot dasturida alohida xabar berildi.

Ma’lumki, Haj farzini amala oshirayotgan ziyoratchilarimiz uchun tashkil etilgan ushbu davlat darajasidagi qurbonlik sadaqasi xalqimizning asrlar bo‘yi davom etib kelayotgan milliy va ruhiy urf-odatlari hamda an’analarining yorqin ifodasiga aylandi.

Muqaddas tuproqda uyushtirilgan ehson marosimida turkman xalqining milliy taomlari tayyorlanib, ziyoratchilar hamda mehmonlarga yuqori darajada tortiq qilindi.

Sadaqa davomida hamyurtlarimiz xalqimizning baxtiyor, osoyishta va tinch hayotini ta’minlash, yurtimizning obodligi hamda iqtisodiy qudratini bundan buyon ham mustahkamlash yo‘lida izchil va tarixiy g‘amxo‘rliklar ko‘rsatayotgan turkman xalqining Milliy Lideri, Qahramon hoji Arkadagga hamda muhtaram Prezidentimiz Arkadagly Qahramon hoji Serdarga o‘zlarining chuqur minnatdorchilik va tashakkur so‘zlarini bildirdilar.

Qurbonlik sadaqasi davomida muqaddas Qur’oni Karimdan oyat va suralar o‘qilib, xalqimizning tinchligi, ahilligi va osoyishta kelajagi uchun ezgu duolar qilindi. Yurakdan chiqqan duo-niyatlarda muqaddas Qurbon oyida berilgan ehsonlar, qilingan ziyoratlar va ado etilgan Haj amallarining Buyuk Parvardigor dargohida qabul bo‘lishi chin qalbdan tilandi.

Ushbu voqea Turkmanistonda insonning ruhiy erkinligiga, milliy va diniy qadriyatlariga ko‘rsatilayotgan yuksak hurmatning hamda davlat tomonidan fuqarolarga yaratib berilayotgan keng imkoniyatlarning navbatdagi yaqqol isboti bo‘ldi.