Polsha Respublikasining Sileziya akademiyasi rektori, professor, fan nomzodi Aleksandr Tadeush Ostenda hamda xalqaro hamkorlik bo‘limi direktori, professor, iqtisodiyot fanlari doktori Yuriy Petrovich Vitkovskiy S.A. Niyazov nomidagi Turkman qishloq xo‘jaligi universitetiga tashrif buyurdilar. Bu haqda oliy ta’lim muassasasining rasmiy saytida xabar berildi.

Tashrif davomida polshalik mehmonlar universitet kampusini aylanib, bu yerda yaratilgan sharoit va imkoniyatlar bilan tanishdilar. Ular o‘quv markazlari, agro maydoncha, sport majmualari, tikuvchilik sexi, jonli tabiat muzeyi hamda issiqxonaga tashrif buyurdilar.

Universitetda bo‘lib o‘tgan uchrashuvda Turkmaniston bilan Yevropa mamlakatlari, jumladan, Polsha o‘rtasidagi ilmiy-ta’limiy aloqalarni zamon talablariga muvofiq rivojlantirish muhimligi ta’kidlandi. Shuningdek, mutaxassislar tayyorlash sohasidagi samarali hamkorlik tobora faollashib borayotgani qayd etildi.

Uchrashuv davomida polshalik vakillarga Turkman qishloq xo‘jaligi universitetining tuzilmasi, ta’lim tizimida yaratilgan imkoniyatlar va erishilgan yutuqlar haqida ma’lumot berildi.