Turkmaniston OAV vakillari jurnalistikani modernizatsiya qilish boʻyicha Lissabonda amaliy tashrif bilan boʻlib turibdilar
2026-yil 31-may kuni Turkmaniston ommaviy axborot vositalari (OAV) vakillaridan iborat delegatsiyaning Portugaliya poytaxti Lissabon shahriga amaliy tashrifi boshlandi. Ushbu professional tajriba almashinuvi Yevropada Xavfsizlik va Hamkorlik Tashkilotining (YAXHT) Ashxoboddagi vakolatxonasi tomonidan tashkillashtirildi.
Tashrifning asosiy maqsadi “Jurnalistika va koʻrsatuvlar amaliyotini yanada modernizatsiya qilishda qoʻllab-quvvatlash” dasturi doirasida hozirgi zamon sharoitida ish tajribasini almashishdan iboratdir. Ushbu oʻquv-tanishuv xarakteridagi tashrif davomida turkman jurnalistlari bir necha kun davomida xalqaro tajrani oʻrganish boʻyicha samarali uchrashuvlarda ishtirok etadilar.
Turkmaniston media vakillarining Lissabondagi tashrif dasturi juda keng boʻlib, u quyidagi rasmiy uchrashuv va suhbatlarni oʻz ichiga oladi:
- Portugaliya Tashqi ishlar vazirligi;
- Mamlakat Parlamenti (Respublika Assambleyasi);
- Portugaliyaning yetakchi ommaviy axborot vositalari tahririyatlari.
Tashkil etiladigan uchrashuvlarda turkman delegatsiyasi jurnalistika faoliyatini yanada takomillashtirish, media makoniga zamonaviy jahon tajribalari va raqamli texnologiyalarni joriy etish boʻyicha portugaliyalik hamkasblarining asosiy strategiyalari va ish uslublari bilan yaqindan tanishadilar.
Portugaliya Respublikasida hozirgi vaqtda iqtisodiyot, madaniyat, sport va ijtimoiy hayotni yoritib boruvchi koʻplab internet nashrlari faoliyat koʻrsatmoqda. Shu bilan birga, mamlakatda ijtimoiy masalalarni, biznes olamini va sogʻliqni saqlash mavzularini bayon etuvchi milliy hamda mahalliy darajadagi koʻplab matbuot nashrlari — gazeta va jurnallar xalq ommasiga yetkazib berilmoqda.
Ushbu tashrif turkman jurnalistikasining xalqaro darajadagi professional aloqalarini mustahkamlashga va milliy nashrlarning mazmunini boyitishga ulkan hissa qoʻshadi.
