Turkmaniston va Tojikiston o‘rtasida neft-gaz sohasidagi hamkorlik faollashmoqda
Tojikistonning Turkmanistondagi elchisi Vafo Niyatbekzoda Turkmaniston Vazirlar Mahkamasi Raisining neft-gaz majmuasiga mas’ul o‘rinbosari Guvanch Agajanov bilan uchrashdi. Bu haqda Tojikistonning Ashxoboddagi elchixonasi matbuot xizmati xabar berdi.
Muzokaralar davomida tomonlar neft-gaz sohasida ikki tomonlama hamkorlikni rivojlantirish istiqbollarini muhokama qildilar. Diplomatik vakolatxona xabariga ko‘ra, uchrashuv konstruktiv ruhda o‘tdi.
