Turkmaniston Davlat migratsiya xizmatida 2026-yil 29-iyul kuni Turkiya Respublikasi Ichki ishlar vazirligi Migratsiya boshqarmasi vakillari bilan ishchi uchrashuv oʻtkazilib, migratsiya sohasidagi hamkorlikning kelgusidagi yoʻnalishlari muhokama qilindi. Bu haqda Turkmaniston Davlat migratsiya xizmati xabar berdi.

Uchrashuv davomida tomonlar soʻnggi yillarda turkman-turk munosabatlari yangi mazmun kasb etayotganini qayd etib, ikki tomonlama hamkorlik izchil rivojlanib borayotganini ta'kidladilar. Shuningdek, tomonlar oʻzaro aloqalarning keng koʻlamli masalalari yuzasidan fikr almashdilar.

Tomonlar muntazam oʻtkazib kelinayotgan ishchi uchrashuvlar oʻzaro manfaatli hamkorlikni ilgari surishda va hamkorlikning yangi yoʻnalishlarini belgilashda samarali vosita boʻlib xizmat qilishini bildirdilar. Shuningdek, migratsiya sohasidagi hamkorlikning istiqbollari va ustuvor yoʻnalishlari muhokama qilindi.

Ikki mamlakat oʻrtasidagi an'anaviy doʻstona munosabatlarni rivojlantirishda xalqaro tashkilotlar doirasidagi hamkorlikning ahamiyati alohida ta'kidlandi. Uchrashuv yakunida tomonlar hamkorlikni bundan buyon ham jips rivojlantirishga tayyor ekanliklarini tasdiqladilar.