Hurmatli Prezidentimiz Serdar Berdimuhamedov raisligida raqamli tizim orqali oʻtkazilgan Vazirlar Mahkamasining navbatdagi majlisida mamlakatimiz yerosti boyliklaridan yanada samarali foydalanish va bu borada xalqaro hamkorlikni rivojlantirish masalalariga alohida eʼtibor qaratildi. Majlis davomida Vazirlar Mahkamasi Raisining oʻrinbosari G. Agajanov «Turkmengeologiya» davlat korporatsiyasi tomonidan olib borilayotgan ishlar haqida hisobot berdi. Taʼkidlanganidek, mamlakatimizning boy tabiiy resurslaridan oqilona foydalanish, shu jumladan kamyob minerallarning qidiruv-tekshiruv ishlarini ilgʻor jahon tajribalariga muvofiq tashkil etish boʻyicha keng koʻlamli chora-tadbirlar amalga oshirilmoqda. Bu yoʻnalishda nufuzli va yuqori malakali xorijiy kompaniyalar bilan samarali hamkorlikni yoʻlga qoʻyish boʻyicha tegishli ishlar olib borilmoqda. Hurmatli Prezidentimiz hisobotni tinglab, yurtimizda yerosti boyliklarini yuzaga chiqarish hamda ularni iqtisodiyot manfaatlariga muvofiq samarali boshqarish boʻyicha dasturiy ishlar izchil davom etтириlayotganini taʼkidladi. Davlat Rahbarimiz yerosti boyliklarini qidirish boʻyicha xalqaro hamkorlikni faollashtirish haqidagi taklifni qoʻllab-quvvatlab, bosh vazir oʻrinbosariga bu yoʻnalishda zarur hamda samarali chora-tadbirlarni koʻrishni topshirdi.