Vaqt sinovidan oʻtgan mahsulotlar: «Archalyk» xususiy korxonasi
Mamlakatimiz iqtisodiy qudratining ortishiga hamda oziq-ovqat moʻl-koʻlligini mustahkamlashga salmoqli hissa qoʻshayotgan tadbirkorlar oʻzlari ishlab chiqarayotgan mahsulotlarning sifati bilan dastlabki kunlardanoq katta obroʻ qozonib kelmoqdalar. Shular qatorida «Archalyk» tovar belgisi ostida tozalangan ichimlik suvi, alkogolsiz gazlangan va gazlanmagan sharbatli ichimliklarni ishlab chiqaruvchi xususiy korxonaning olib borayotgan samarali ishlari alohida e'tirofga loyiqdir.
Ashxobod shahrining Büzmeýin tumanida joylashgan ushbu xususiy korxona 1997-yildan beri yurtimiz iste'molchilariga yuqori sifatli mahsulotlarni taqdim etib kelmoqda. Hozirgi vaqtda zamonaviy va yirik zavodlar majmuasidan iborat boʻlgan korxona tarkibida 7 ta ishlab chiqarish-topshirish tsexlari hamda har biri oʻrtacha 1 milliondan ortiq mahsulotni saqlashga moʻljallangan 8 ta zamonaviy omborxona muvaffaqiyatli ishlatilmoqda.
Korxona oʻz ishlab chiqarishida faqat tabiiy yerosti chuchuk suv zaxiralaridan foydalanadi. Bu yerosti suvlari ishlab chiqarishga ruxsat etilishidan oldin xalqaro talablarga javob beradigan quvvatli tozalovchi filtrlardan toʻliq oʻtkaziladi. Korxonaning tajribali mutaxassislari iste'molchilarning talablarini qondirish maqsadida ichimliklarning yangi turlarini izlash bilan doimiy shugʻullanib, hozirgi kunda 30 dan ortiq turli xildagi mahsulotlarni ishlab chiqarmoqda.
«Archalyk» tovar belgisi ostidagi mahsulotlarga boʻlgan talab ichki bozorda yildan-yilga ortib bormoqda. Xususan, «Pöwrize», «Kola» kabi gazlangan va toza ichimlik suvlari aholi orasida katta mashhurlikka ega. Shuningdek, korxona iste'molchilarning istaklarini toʻliq qondirish uchun «Gazoz», «Mohito», «Greypfrut», «Mango», «Klubnika», «Aloe Vera» kabi yangi va oʻziga xos ta'mli mahsulotlarni bozorga chiqarmoqda. Iste'molchilarga qulay boʻlishi uchun bu mahsulotlar 0,25; 0,33; 0,4; 0,45; 0,5; 1,5; 5 hamda 19 litrli turli hajmlardagi idishlarda mahalliy savdo nuqtalariga joʻnatiladi.
