Turkmanistonlik o‘smirlarning g‘alabali yo‘li Kolombo kortlarida davom etmoqda

Tennis bo‘yicha Turkmaniston o‘smirlar terma jamoasi (U16) Kolombo shahrida o‘tkazilayotgan Devis kubogining Osiyo va Okeaniya mintaqasida muddatidan oldin chorak finalga yo‘l oldi. Ummon jamoasini ishonchli tarzda mag‘lub etganidan (3:0) so‘ng, tennischilarimiz Myanma sportchilariga qarshi kechgan shiddatli uchrashuvni 2:1 hisobidagi g‘alaba bilan yakunladilar.

Myanma bilan bo‘lgan bahsda hal qiluvchi ochkoni Ali Geldiyev va Kerimgeldi Guldurdiyevdan iborat juftlik qo‘lga kiritdi. Ular super tay-breykda g‘alaba qozonishdi (4:6, 6:3, 10:7). Yakkalik bahslarida Ali Geldiyev Da Vunni mag‘lub etib (6:4, 6:1), hisobni tenglashtirdi. Ungacha esa Suleyman Xudayberdiyev ilk uchrashuvida raqibiga imkoniyatni boy bergan edi.

Turkmanistondan tashqari, «B» guruhidan pley-off bosqichiga chiqish Singapur terma jamoasiga ham nasib etdi. So‘nggi turda jamoalar guruhda birinchi o‘rinni aniqlash uchun o‘zaro kuch sinashadilar. Shuningdek, chorak finalga Shri-Lanka, Malayziya, Filippin, Vetnam va Okeaniya terma jamoalari ham muddatidan oldin yo‘llanma oldilar. Umumiy hisobda, ITFning dastlabki saralash musobaqasida 15 ta jamoa ishtirok etmoqda.