Özbegistanyň Milli statistika komitetiniň maglumatlaryna görä, 2026-njy ýylyň ýanwar–sentýabr aýlarynda ýurda syýahatçylyk maksady bilen 10 million 306 müň 786 daşary ýurt raýaty geldi. Olaryň arasynda Türkmenistanyň 256 müň 546 raýaty hem bar.

Geçen ýylyň degişli döwri bilen deňeşdirilende, Özbegistana gelen daşary ýurtly syýahatçylaryň sany 1,7 million adam ýa-da 20,4 göterim artdy.

Hasabat döwründe Özbegistana iň köp syýahatçy iberen ýurtlaryň sanawynda Gyrgyzystan, Gazagystan we Täjigistan öňdäki orunlary eýeledi. Russiýa dördünji, Owganystan bolsa bäşinji orunda ýerleşdi.

Ýurtlar boýunça görkezijiler şu aşakdaky ýaly:

  • Gyrgyzystan — 2 844 201 adam;

  • Gazagystan — 2 404 638 adam;

  • Täjigistan — 2 274 288 adam;

  • Russiýa — 983 407 adam;

  • Owganystan — 380 190 adam;

  • Hytaý — 373 778 adam;

  • Türkmenistan — 256 546 adam;

  • Türkiýe — 148 772 adam;

  • Hindistan — 53 778 adam;

  • Germaniýa — 42 973 adam.

Görkezijiler Türkmenistanyň Özbegistana syýahatçylary iberýän ýurtlaryň arasynda ýedinji orunda durýandygyny görkezýär. Iki ýurduň geografik taýdan ýakyn ýerleşmegi we özara gatnaşyklary syýahatçylyk üçin hem mümkinçilikleri döredýär.