Meşhur habarlar
Halkara Senagatçylar we Telekeçiler uniwersiteti 2025/2026 okuw ýylyna dalaşgärleri çagyrýar
HALKARA SENAGATÇYLAR WE TELEKEÇILER UNIWERSITETI
2025/2026-njy okuw ýyly üçin bakalawr maksatnamasy boýunça bilim ulgamlarynyň aşakdaky ulaldylan toparlaryna talyplyga kabul edýär:
Ulaldylan toparlar:
1. Binagärlik (ulaldylan topar boýunça taýýarlygyň ugurlary: binagärlik; binagärlik gurşawynyň dizaýny).
2. Gurluşygyň tehnikasy we tehnologiýalary (ulaldylan topar boýunça taýýarlygyň ugurlary: senagat we raýat jaý gurluşygy; gurluşyk materiallaryny, önümlerini we konstruksiýalaryny öndürmek).
3. Informatika we hasaplaýyş tehnikasy (ulaldylan topar boýunça taýýarlygyň ugry: maglumat ulgamlary we tehnologiýalary).
4. Maşyngurluşyk (ulaldylan topar boýunça taýýarlygyň ugry: önümçiligiň we tehnologiýa prosesleriniň awtomatlaşdyrylyşy).
5. Oba, tokaý we balyk hojalygy (ulaldylan topar boýunça taýýarlygyň ugurlary: agronomçylyk; azyk önümleriniň tehnologiýasy).
6. Weterinariýa we zootehniýa (ulaldylan topar boýunça taýýarlygyň ugurlary: weterinar lukmançylygy; senagat balykçylygy).
7. Ykdysadyýet we dolandyryş (ulaldylan topar boýunça taýýarlygyň ugurlary: buhgalterçilik hasaba alnyşy we audit (telekeçilikde); işewürlik we telekeçilik; söwdada we logistikada sanly tehnologiýalar; halkara işewürlik; işewürligi dolandyrmak).
8. Hukuk işi (ulaldylan topar boýunça taýýarlygyň ugry: işewürlik hukugy).
Uniwersitetde okuwlar türkmen we iňlis dillerinde geçilýär.
Uniwersitetde okuwlar tölegli esasda alnyp barylýar.
Okuwyň dowamlylygy 5 ýyla (1 ýyl — türkmen we iňlis dilleri boýunça dil taýýarlygy, 4 ýyl — bakalawr maksatnamalary boýunça okuw) deňdir.
Talyplar dil taýýarlygyny geçenlerinden soňra, 1-nji okuw ýylynda bakalawr maksatnamasy boýunça bilim ulgamlarynyň ulaldylan toparlary boýunça bilim alarlar.
Talyplar 2-nji okuw ýylyndan, isleglerine hem-de okuwa ýetişigine görä, bilim ulgamlarynyň ulaldylan toparlaryna girýän taýýarlygyň degişli ugurlary boýunça okuwlaryny dowam ederler.
Uniwersitete umumy orta bilimden pes bolmadyk binýatda bilimi bolan, ýaşy 35-den geçmedik Türkmenistanyň raýatlary giriş synaglarynyň netijeleri boýunça bäsleşik esasynda kabul edilýär.
Resmi iş kagyzlary welaýat merkezlerinde we Aşgabat şäherinde (Aşgabat we Arkadag şäherleri boýunça Türkmenistanyň Oguz han adyndaky Inžener-tehnologiýalar uniwersitetiniň himiki we nanotehnologiýalar fakultetiniň binasynda) 2025-nji ýylyň 14 — 27-nji iýuly aralygynda kabul edilýär.
Resmi iş kagyzlarynyň sanawy:
— bellenilen nusgada rektoryň adyna ýazylan arza;
— bellenilen nusgadaky sowalnama (anketa);
— bilimi baradaky resminama (asyl nusgasy);
— Türkmenistanyň Saglygy goraýyş we derman senagaty ministrligi tarapyndan bellenilen nusgadaky saglyk kepilnamasy;
— soňky okan ýerinden (işlän ýerinden, harby bölümden) häsiýetnama;
— 3x4 sm ölçegdäki sekiz sany fotosurat;
— işleýänler üçin zähmet depderçesiniň tassyklanan göçürmesi;
— okuw dersleri boýunça mekdep okuwçylarynyň döwlet bäsleşiginiň ýeňijileri, halkara bäsleşiklere gatnaşan Türkmenistanyň ýygyndy toparynyň agzalary şol ýagdaýlary tassyklaýan degişli resminamanyň asyl nusgasyny tabşyrýarlar.
Bulardan başga-da, okuwa girmäge isleg bildirýänler ýokarda görkezilen resminamalar bilen birlikde, resminamalary kabul edýän iş toparyna aşakdakylary görkezýärler we nusgalaryny tabşyrýarlar:
— pasportyny;
— harby şahadatnamasyny ýa-da harby hasaba goýlandygy hakynda şahadatnamasyny.
Dalaşgär bäsleşiksiz we (ýa-da) okuwa kabul edilmek üçin artykmaç hukukdan peýdalanýandygyny tassyklaýan beýleki resminamalary görkezip biler.
Nädogry berlen maglumatlar we galp resmi iş kagyzlary üçin dalaşgär şahsy jogapkärçilik çekýär.
Giriş synaglary we okuwa kabul edilmek Aşgabat şäherinde (Türkmenistanyň Oguz han adyndaky Inžener-tehnologiýalar uniwersitetiniň Himiki we nanotehnologiýalar fakultetiniň binasynda) aşakdaky
möhletlerde geçirilýär:
Daşoguz welaýaty — iýul aýynyň 30-31-i, awgust aýynyň 1-i we 2-si günleri;
Balkan welaýaty — awgust aýynyň 1-2-si, 3-i we 4-i günleri;
Aşgabat we Arkadag şäherleri — awgust aýynyň 3-4-i, 5-i we 6-sy günleri;
Ahal welaýaty — awgust aýynyň 5-6-sy, 7-si we 8-i günleri;
Mary welaýaty — awgust aýynyň 7-8-i, 9-y we 10-y günleri;
Lebap welaýaty — awgust aýynyň 9-10-y, 11-i we 12-si günleri.
Giriş synaglary aşakdaky okuw dersleri boýunça geçirilýär:
Binagärlik; Gurluşygyň tehnikasy we tehnologiýalary ulaldylan toparlaryň taýýarlygynyň ugurlary boýunça — iňlis dili, fizika, Türkmenistanyň taryhy.
Informatika we hasaplaýyş tehnikasy; Maşyngurluşyk; Ykdysadyýet we dolandyryş; Hukuk işi ulaldylan toparlaryň taýýarlygynyň ugurlary boýunça — iňlis dili, matematika, Türkmenistanyň
taryhy.
Oba, tokaý we balyk hojalygy; Weterinariýa we zootehniýa ulaldylan toparlaryň taýýarlygynyň ugurlary boýunça — iňlis dili, himiýa, Türkmenistanyň taryhy.
Okuw dersleri boýunça giriş synaglary Türkmenistanyň orta mekdepleriniň okuw maksatnamalarynyň esasynda geçirilýär.
Degişli dil boýunça geçilýän derslerden başga ähli okuw dersleri boýunça giriş synaglary döwlet ýa-da iňlis dilinde dilden geçirilýär.
Giriş synaglarynyň tertibinde bellenilen wagtda synaglara esassyz sebäplere görä gelip bilmedikler ýa-da okuw dersleriniň biri boýunça synagdan geçip bilmedikler soňky synaglara goýberilmeýär.
Giriş synaglaryndan üstünlikli geçen ýagdaýynda, bäsleşiksiz we talyplyga kabul edilmek üçin artykmaç hukukdan «Bilim hakynda» Türkmenistanyň Kanunynyň rejelenen görnüşinde kesgitlenen
düzgünlere laýyk gelýän dalaşgärler peýdalanýarlar.
Halkara senagatçylar we telekeçiler
uniwersitetiniň salgysy:
Aşgabat ş., Görogly köçesi, 185.
(Türkmenistanyň Oguz han adyndaky
Inžener-tehnologiýalar uniwersitetiniň
salgysy: Aşgabat ş.,
Köşi köçesi, 100 himiki we
nanotehnologiýalar fakultetiniň binasy,
tel: 39-16-62).
