Mbappeniň KDÇ-de «Borussiýa» bilen duşuşykdaky täsirli topy — Jota bagyşlandy

Fransiýaly hüjümçi, häzirki wagtda Real Madridiň oýunçysy Kiliýan Mbappe Klublaryň dünýä çempionatynyň çärýek finalynda Dortmundyň Borussiýasyna garşy (3:2) geçiren owadan ýeňiş topuny awtoulag heläkçiliginde aradan çykan Liwerpulyň hüjümçisi Diogu Jota bagyşlady.

Portugaliýaly ýygyndynyň hüjümçisi Diogu Jota penşenbe güni, 3-nji iýulda Ispaniýanyň Samora welaýatynda bolan ýol heläkçiliginde dogany Andre Silva bilen bilelikde aradan çykdy. Olar 5-nji iýulda, öz dogduk şäherleri Gondoamarda jaýlandy.

Klublaryň dünýä çempionaty — 2025. 1/4 final

«Real Madrid» (Ispaniýa) – «Borussiýa D» (Germaniýa)

Oýun tamamlandy — 3:2

Gollar:

• 1:0 — G.Garsiýa, 10'

• 2:0 — F.Garsiýa, 20'

• 2:1 — Baýer, 90+2'

• 3:1 — Mbappe, 90+4'

• 3:2 — Girassi, 90+8'

Gyrmyzy kart:

• Hüýsen («Real») — 90+6'

• «Borussiýada» ýok

Oýunda iň täsirli pursatlaryň biri Arda Gýuleriň sag ganatdan eden ýokary pasy bilen başlady. Ol topy uzak diregiň boýundaky meýdanynyň golaýyna geçirdi. Şol ýerde «Borussiýanyň» braziliýaly goragçysy Ýan Kouto Mbappeni gözden saldy we Kiliýan ýerden galyp, «nožnisa» görnüşinde urup topy gola geçirdi — golaý burça dürs zarba bilen.

Top geçenden soň Mbappe kamera tarap ylgady we barmaklarynda Jotanyň futboldaky belgisi bolan «20» sanlaryny görkezdi.