Özbegistan – Futbol boýunça Dünýä çempionatyna gatnaşjak Merkezi Aziýadan ilkinji ýurt

Özbegistanyň milli futbol ýygyndysy taryhy üstünlik gazandy – ýygyndy ilkinji gezek Dünýä çempionatynyň final tapgyryna çykdy. Birleşen Arap Emirlikleriň ýygyndysyna garşy geçen iň soňky saýlama duşuşygy 0:0 hasabynda deňme-deň tamamlandy. Bu netijäniň özi-de Dünýä çempionatyna çykmak üçin ýeterlik boldy.

Şeýlelikde, Özbegistan futbol boýunça Dünýä çempionatyna gatnaşjak Merkezi Aziýadan ilkinji ýurt boldy.

2026-njy ýylda geçiriljek Dünýä çempionaty iýun aýynda başlar we ilkinji gezek üç ýurtda geçiriler:

Amerikanyň Birleşen Ştatlarynda

Kanadada

Meksikada

Bu çempionatda jemi 48 milli ýygyndy gatnaşar. Özbegistanyň ýygyndysy bu derejä ilkinji gezek çykyp, Aziýa futbolynyň taryhyna täze sahypa goşdy.