Türkmenistanyň Döwlet haryt-çig mal biržasynyň (TDHÇMB) geçen hepdede geçirilen söwdalarynda jemi 9 sany geleşik hasaba alyndy.

Daşary ýurt walýutasyna amala aşyrylan söwdalaryň çäginde Türkiýäniň, Özbegistanyň we Azerbaýjanyň telekeçileri tarapyndan nah ýüplük, çig ýüpek hem-de pagta ýagynyň soapstogy satyn alyndy. Bu geleşikleriň jemi bahasy ABŞ-nyň 2 million 746 müň dollaryndan gowrak boldy.

Şeýle hem ýurdumyzyň işewürleri tarapyndan içerki bazar üçin jemi bahasy 78 million 93 müň manada deň bolan nah ýüplük we pagta süýümi satyn alyndy.