Türkmenistanyň nebitgaz pudagyny mundan beýläk-de ösdürmek we energetika kuwwatyny netijeli ulanmak boýunça giň gerimli işler dowam edýär. Hormatly Prezidentimiziň gol çeken resminamasyna laýyklykda, «Türkmennebit» döwlet konsernine Malaýziýanyň «PETRONAS Çarigali Sdn Bhd» kompaniýasy, şeýle-de konserniň «Hazarnebit» döwlet kärhanasy bilen bilelikde Hazar deňziniň türkmen böleginde ýerleşýän ygtyýarlandyrylan toplumlary özleşdirmek boýunça degişli şertnamany baglaşmaga rugsat berildi. Bu ädim Türkmenistanyň nebitgaz serişdelerini halkara standartlaryna laýyklykda özleşdirmek we pudagyň eksport mümkinçiliklerini artdyrmakda möhüm ähmiýete eýedir.