«Arkadagyň ruhy metjidi» yonida bunyod etilayotgan madrasa oliy oʻquv yurti maqomiga ega boʻladi. Tegishli taklif bugun Arkadag shahrida boʻlib oʻtgan ishchi yigʻilish davomida din vakili Ya. Hojagulyýew tomonidan bildirildi.

Buning oʻzi bu yerda oʻrgatiladigan ilmlarning islom olamiga mos kelishida, yoshlarning ezgu anʼanalarni munosib davom ettirishlarida muhim ahamiyat kasb etadi.

Milliy Liderimiz taklifni maʼqullab, dunyoning turli mamlakatlarida shunday oliy oʻquv yurtlari faoliyat yuritishini taʼkidladi hamda Arkadag shahrida qurilayotgan ushbu binoning moddiy-texnik bazasini mustahkamlash, unda oʻrgatiladigan darslarni oʻzlashtirishda jahon tajribasidan kelib chiqish borasida oʻz maslahatlarini berdi.

Hoji Arkadagʻimiz bu yoʻnalishdagi ishlarni yanada takomillashtirish, uni xalqaro koʻrsatkichlarga mos darajada olib borish maqsadida Turkmaniston muftiyligi boshqarmasi aʼzolari bilan maslahatlashish, ular bilan uygʻun saʼy-harakatlar qilish maqsadga muvofiq boʻlishiga eʼtibor qaratdi.

Bunda oʻqitiladigan darslarning yoʻnalishini belgilash, ularning dasturini tayyorlash masalalariga kompleks asosda yondashilishi lozim.